AMED - Endama meclîsê şaredarîye ya Bajarê Pîlî ya Amedî ya verê Şehriban Zugurli serê xirakerdişê qerarî yê îstinafî ancî ameye muhakemekerdiş û dewaya ke ci ra ameyîne muhakemekerdiş de "endamîya rêxistine" ra ceza ci rê ameye waştiş.

 

Endama meclîsê şaredarîye ya Bajarê Pîlî ya Amedî ya verê Şehriban Zugurli bi sebebê "endamîya rêxistine","serewedaritişê vera wezîfeyî" amebî muhakemekerdiş û dewa ci rê amebî akerdiş. Roniştişê qerarî yê 23yê Adara 2023ine de dosyaya dewaya ke ceza Şehribane rê amebî birnayîş, îstinaf ra agêra. Roniştişê qerarî yê 10ine Dadgeha Cezaya Giran ya Amedî de dozgerî eşkerayîya çapemenîye yê hemverê qeyûman sey sebeb mojna û sûcê "endamîya rêxistine","serewedaritişê vera wezîfeyî"  waştibi bêra cezakerdiş. Dadgehe zî 18 aşmî û 22 rojan ceza da Şehrîbane. 

 

Dimayê îstinafî qerar xira kerd 3ine roniştişê dewaya Şehribane ci ra ameyîne muhakemekerdiş, ame vînayîş. Şehribane û avûkata aye Gulan Çagin Kaleli û Şeyhmus Şat roniştiş de amade bîyî. 

 

Dozgerî "endamîya rêxistine" Şehribane rê ceza waşt. Avûkatan hemverê mutalayî de dem waşt. 

 

Heyetê dadgehe waştişê demî yê avûkatan qebûl kerd û roniştiş taloqê 28ê  Gulane kerd.