Oznûr Deger

 

MÊRDÎN - Endamê meclîsê şaredarîye yê DEM Partîyî, reaksîyon mojnayê tacîzê çawîşê pispor ê Şirnexî û dîyar kerde ke do rêxistinbîyayîşê komelî vernîya şîdetê polîs û leşkeran bigîro. 

 

Şirnex de 12ê Nîsane de çawîşê pispor Zekeriya Çelîkî cinîyêke tacîz kerd. Dima ra kesê dorme qewimîyayîş ra haydar bîyê û hemverê çawîşê pisporî de pawitişê cewherî şuxilnayî. 

 

Zekeriya Çelîko ke ame destbendkerdiş 17ê Nîsane de hetê Mehkemaya Cezaya Sulhî ya Şirnexî ra sûcê ‘hêrişa cînsî’ ra ame tepiştiş. Şikdar bi vatişê ‘Ez merdimêk ke meslekê xo de yena heskerdiş ra ya. Ez wezîfeyê xo de serkewte bîya û yew hewte ra dima ez do bikewtêne îmtîhanê pisporî.’ Cinîyan reaksîyon mojna nê pawitişî. 

 

Endamê Meclîsê Şaredarîya Mêrdînî reaksîyon mojna tacîzê çawîşê pisporî.

 

‘Cinî pawitişê cewherî kenê komelkî’ 

 

Endama Meclîsê Şaredarîya Şemrexî Seher Şane bale ant serê qewimîyayîşê tacîzê Şirnexî û vat: “Nê qewimîyayîşê Kurdistanî nînê qebûlkerdiş. Çawîşê pispor ame tepiştiş û no bi wesîleya şarî pê ame. Eke pawitişê cewherî pê nêameyêne do serê qewimîyayîşî biameyêne girewtiş. Ganî cinî her ca de pawitişê cewherî bikera. Cinî pawitişê yê komelkî kenê.” 

 

‘Rêxistinbîyayîş do sey qêrayîşêk bivejîyo raşte’ 

 

Endama Meclîsê Şaredarîya Artukluye Hevîn Turke zî wina vat: “Şar vera bêcezaverdayîşî de refleks mojneno. No reaksîyon ca de yo. Qêrayîşêk babeta vatişî ya. Şar raşteyê rêxistinbîyayîşî berz kerdê. Bi wesîleya reaksîyonê şarî çawîşê pispor ame tepiştiş. Rêxistinbîyayîş do sey qêrayîşêk bivejo raşte.” 

 

Endama Meclîsê Şaredarîya Artukluye Îpek Uymane zî reaksîyon mojna babete û da zanayîş ke şîdetê leşker û polîsan ê Kurdistanî ancî vejîya raşte. Îpeke vat ke eke pawitişê cewherî pê nêameyêne do serê qewimîyayîşî biameyêne girewtiş û ard ziwan ke ganî cinî bêveng nêmanê.