MERKEZÊ XEBERAN - Rojawanê Kurdistanî de Vakur û Rojhelatê Sûrîye de bi hezaran kesî, bi wesîleya Roşanê Remezanî serdayîşê goristanê pakrewanan kerdî.

 

Rojawanê Kurdistanî de Vakur û Rojhelatê Surîye de Roşanê Remezanî bi serdayîşê gorê pakrewanan dest pêkerd. Şefeqê sibayî de bajarê Dêrik, Til Koçer, Til Hemîs, Til Birak, Tirbesipiyê, Qamişlo, Amûdê, Dirbêsiyê, Til Temir, Hesekê, Şedadê, Hol, Dêrazor, Reqa, Tebqa, Minbic, Kobanê, Efrîn-Şehba, taxê Şêxmeqsud û Eşrefîye yê Helebî de serdayîşê Pakrewangehan ame kerdiş. 

 

Keyeyê pakrewanan, gaziyê şorişî, îdarekarê partî, sazgeh û dezgehan û bi hezaran kesî gorê şehîdan zîyaret kerdî, gulan dayî verê înan û dua kerdî. Vernîya pakrewangehan zî şekirî ameyî vilakerdiş.