AMED - Avûkate Rûşen Seydaoglû, dewaya KCDyî ra newe ra ameye muhakemekerdiş û beraet kerd. 

 

Derheqê avûkate Rûşen Seydaoglû de bi sebebê cipersayîşê derheqê Kongreya Komele ya Demokratîk (KCD) û parekerdişê medyaya dîjîtale bi îdiayê “endamtiya rêxistine” û “propagandaya rêxistine” cezaya zîndanî amebî waştiş.

 

8ine Dadgeha Cezaya Giran ya Amedî “endamtiya rêxistine” 6 serrî û 3 aşmî ceza dabî. Dadgehe eynî wextî de “propagandaya rêxistine” serrêke û 3 aşmî cezaya zîndanî dabî û ceza taloqkerdibî. 

 

Edlîyeyê Herême ya Amedî qerar xira kerdibî. Dadgehe hukum dabî ke tewrbîyayîşê organîzasyonê KCDyî bi tenê serê xo sûc nîyo. 

 

Roniştişê dewa ke derheqê Rûşene de newe ra ame kerdiş, dewam kerd. Seydaoglû û avûkatê aye Resûl Temûr roniştiş de amade bîyî. 

 

Dozgerî waşt Rûşene bêra cezakerdiş. Rûşene zî hemverê mutala dîyar kerd ke beyanê xo yê vernîya nika tekrar kena û waştişê beraetê xo kerd. Avûkat Resûlî zî ard ziwan ke pawitişê xo yê vernîya nika tekrar kena û pawitişê xo yê derheqê esasî de sey nuşteyî neql kerdî. Temûrî waştişê beraetê muwekîla xo kerd. 

 

Dadgehe qerarê beraetî da.