MÊRDÎN - Qoser de bi hezaran kesî bi nîşaneyê serkewtişî û bi sloganan herikîyayî raşteyê Newroze.

 

Pîrozbayîya Newroze ya qezaya Qoserî ya Mêrdînî do bi “Rabe dema azadî û serkeftinê ye” raşteyê Otogarî de bêro organîzekerdiş. Bi hezaran kesî vernîya pîrozbayî de raşteyê Newroze de kom benê. Welatijê ke dorê raşteyê pîrozbayîya bi bariyeran ameyo ablûqakerdiş kom bîyî, bi slogan û tililiyan kewenê raşteyan. Tewrbîyayîşêk xurt ê ciwanan semedê pîrozbayî est o. 

 

Welatijî ke bi komî, bi nîşaneyê serkewtişî û sloganê "Bijî Newroz" kewenê raşte, bi flamayê Partîya Têduştî û Demokrasîyî yê Şaran (DEM Partî) kewtî raşte, raşte pirr kenê. Nuqtaya cigêrayîşî yê polîsan semedê rengê kesk, sûr û zerî destûr nêame dayîş. Serê israrê şarî, bi hezaran kesî bi sloganê "Bijî Serok Apo", "Jin Jiyan Azadî" û "Bijî berxwedana zindanan" rayîr ra şîyî. 

 

Pîrozbayîya Newroze bi coşêk pîl dest pêkerd û hema bi hezaran kesî herikênê raşte. Cinîyan bi cil û belgê xo yê kurdî rengînîyêke pîl dayî raşte. Dayîkê Aştîye û merdimê tepişteyan zî tewrê pîrozbayî bîyî û girse verê muzîkê kurdkî de dest bi gernayîşê govende kerd. Raşteyê Newroze de pankartê "Rabe! Dema azadî û serkeftine ye" ame akerdiş, girse sloganan berz keno û govende keno. Parlamentera DEM Partîye ya Mêrdînî Bêrîtan Guneş û Temsîlkara Hemsereka Pêroyî ya DEM Partî Ebrû Gunay do pîrozbayî de qisey bikero. 

 

Dimayê qiseykerdişî zî do hunermendî vejîyê sehne û deyîranê xo vacê.