HELEB - Bi wesîleya serrgêra qirkerdişê Helebceye taxê Şêx Meqsûd û Eşerefîye de çalakî ameyî organîzekerdiş. Cinîyê ke tewrê çalakî bîyî ardî ziwan ke dişmen wazeno şarê kurdî çinî bikero û vatî: "Waştişê dişmenî no yo ke ma çinî bibê û ma raştîya ma ra dûr bikero. La ma do her tim vera dişmenî de xoverdayîşê xo dewam bikerê û seba ke qirkerdiş newî ra nêbê ma do têkoşînê xo dewam bikerê." 

 

Bi wesîleya serrgêra qirkerdişê Helebceye taxê Şêx Meqsûd û Eşerefîye de çalakî ameyî organîzekerdiş. Cinîyê ke tewrê çalakî bîyî ardî ziwan ke vera qirkerdişan de her tim do têkoşînê xo dewam bikerê û wina vatî: “Roja ma ya ewro de têkoşînê kurdî serê esasê fikir û felsefeya Rayber Abdullah Ocalanî de yeno dewamkerdiş. Ma nînê çinîkerdiş. Do dişmen nêreso amancê xo. Çike ewro şarê kurdî raştîya dişmenê xo nas kerdo û goreyê ci têkoşînê xo rayîr ra beno.” 

 

'Dişmen wazeno ma çinî bikero’ 

 

Rayîrberîyê Meclîsê Şehîd Cengîzî yê taxa Eşrefîye ra Suad Mihemede da zanayîş ke dişmen wazeno kurdan çinî bikero û wina vat: "36 serrî serê qirkerdişê Helebceye ra derbaz beno. Seba ke ma qirkerdişê vîr bîyarê ma taxê Şêx Meqsûd û Eşrefîye yê bajarê Helebî de çalakî pê ard. Ma seba şehîdê qirkerdişî rêz girewtî. Heta roja ma ya ewro zî şarê kurdî kiştiş û qirkerdişan ra derbaz beno. waştişê dişmenî no yo ke ma çinî bikero û ma rastîya ma ra bido dûrfînayîş. La ma do her tim vera dişmenî de xoverdayîşê xo dewam bikerê û seba ke qirkerdişê newîyî nêbê ma do têkoşînê xo dewam bikerê." 

 

 'Vera dişmenî de têkoşînê ma dewam keno' 

 

Qiseykerdişê xo yê peyênan de Suade dîyar kerd ke ê do bi rêxistinbîyayîşê xo vernîya nê qirkerdişan bigîrê û vera kerdoxan de vinderê û wina vat: “Roja ma ya ewro de têkoşînê şarê kurdî serê esasê fikir û felsefeya Rayber Abdullah Ocalanî de yeno dewamkerdiş. Ma nînê çinîkerdiş. Do dişmen nêreso amancê xo. Çike ewro şarê kurdî dişmenê xo nas kerdo û goreyê nê têkoşînê xo rayîr ra beno.”