STENBOL- Qezayanê Sancaktepe û Sultanbeylî yê Stenbolî de adirê Newroze ame tavistene. Girseyê şarî dormeyê adirî de govende girewte û sloganî vatî. 

 

Qezayanê Sancaktepe û Sultanbeylî yê Stenbolî de adirê Newroze ame tavistene. Meclîsê Ciwanan ê DEM PArtî, îdarekaranê Rêxistina Sancaktepe reyde adirê Newroze vist ta û Newroze fîraz kerde. Dormeyê adirî de ciwanan bi slogananê sey ''Bijî Newroz”, “Newroz Pîroz Be”, “Jin Jiyan Azadî” govende girewte. 

 

Sultanbeylî de zî şarî adirê Newroze vist ta û dormeyê ci de govende girewte. Şayîye de sloganê sey “Newroz pîroz be”, “Ji Ocalan re azadî”, “Bijî berxwedana zindanan” ameyî vatene.