MERKEZÊ XEBERAN -Xeylê bajarê Îran û Rojhelatê Kurdistanî de şewa bîn şar herikîya raşteyan û reyna waştişê xo yê azadîye qîra.

 

Cinîya kurde Jîna Emînî (22) 13ê êlula 2022yî de hetê 'Polîsanê Exlaqî' ra amebî qetilkerdiş. Naye ser şaranê Îran û Rojhelatê Kurdîtanî vera rejîmî serewedarit û çalakîyê protestoyî dîyabî destpêkerdiş. Nê çalakîyan de xeylêk kesî hetê dewleta Îranî ra ameyî qetilkerdiş, daliqnayîş û tepiştiş. Şewa verên şaro ke xeylê bajaran de vejîya raşteyan, waştişê xo yê azadîye ard ziwan.

 

Bajarê sey Tehran, Îsfehan, Kerec, Gohardeşt, Serable, Şîraz, Qezwîn, Kirmaşan û Sine de şar herikîya raşteyan û vera Komara Îslamî ya Îranî de nêrazîbîayîşê xo mojna. Çalakgerî bi qîrayîşê siloganê "Ya azadî ya azadî", "Bimiro dîktator", "Jin jiyan azadî" rayra şî. Heto bîn de çalakgerî bi waştişê wedaritşê cezaya dliqnayîşî vilawekan vila kerd.

 

Polîsê girêdayeyê hukmetê Îranî bi gazî hêrîşê çalakgeran kerd. Çalakgere ke gamêk tepîya nêerzenê hetê waştişê azadîye de bi qerardar î.