Nobeta Edaletî roja 692ine de ya

  • 14:58 29 Çele 2023
  • NAROJANE
RIHA - Nobeta Edaletî ya Emîne û lajê ci Ferît Şenyaşar ke verê Edlîyeya Rihayî dabî destpêkerdiş, roja 692ine de dewam kerd.
 
Merdim û parlamenterê AKPyî yê Rihayî Îbrahîm Halîl Yildiz 14ê hezîrana serra 2018ine de Pirsûsê Rihayî hêrişê keyeyê Şenyaşarî kerd. Netîceyê hêrişî de mêrde û di lajê Emîne Şenyaşare ameyî qetilkerdiş. Emîne Şenyaşar û lajê aye Ferît Şenyaşar ke bi birîndarî qirkerdişê xelas bîbî, 9ê adara serra 2021ine de vernîya Edliyeyê Rihayî dest bi çalakîya Nobeta Edaletî kerdibî.
 
Keyeyî serê hesabê xo yê medyaya dîjîtale lîsteyê dewa û cipersayîşê ke Emîne Şenyaşare rê ameyê akerdiş û nê mesajî da: “Xeylêk îdarekarê mîyanê dewlete de têkoşînê dayîke heqdar vînenê. Ma wina  bawer kenê ke wijdanan de edalet pê ameyo. Do dewlete zî hemverê têkoşînê dayîke do îtîbarê ci îade bikero. Senîn ke mîyanê partîye de xîzikêk antî serê nameyê parlamenterî, do temamê dewayan ra zî bikewê.”