Parlamenterê HDPyî vera tecrîdî venga têkoşînê hemparî

  • 15:10 26 Çele 2023
  • NAROJANE
 
ANQARA - Wekîlanê HDPyî Nobeta Edaletî ya vera tecrîdê Îmraliyî de vat: ''Ma bi têkoşînê hemparî peynîya tecrîdê Îmraliyî bîyarê. Şarî hewceyê mesajanê Abdullah Ocalanî yê.''
 
Nobeta Edaletî ya wekîlanê HDPyî roja 26ine de dewam kena. Wekîlî Şevîn Coşkun, Hasan Ozgûneş, Kemal Pekoz, Îmam Taşçier, Muazzeze Orhan û Mûrat Sarisaç tewrê çalakîye bîyî.
 
Qiseykerdişê Şevîne wina yo:
 
''Çira Îmrali de qanûnî nênê caardene? Ma bêhuqûqîya Îmraliyî qebul nêkenê û her ca de na bêhuqûqîye teşhîr bikerê. Heta ke tecrîd biqedo têkoşînê ma do dewam bikero. Şar rewşa Ocalanî ra qerqilîyeno. Ganî avûkatî bieşkê muwekîlê xo Birêz Ocalanî bivînê. Şarî hewceyê mesajanê Abdullah Ocalanî yê.
 
Heta ke tecrîd bi peynî bibo do têkoşînê ma dewam bikero. Ma reyna berpirsiyarî û wezîfeyê Wezareta Edaletî anê vîr. Tecrîd sucê merdimayî yo. Seba ke Zîndanê Îmraliyî mîyanê sînorê Tirkîya de yo. Eke uca de huqûq cîya bêro kerdiş, ganî no bêro eşkerakerdiş. CPTyî serdayîşê zîndanî kerd û avûkatanê Ocalanî neql kerd ke Ocalanî pêvînayîş qebûl nêkerdo. No çî îşaretê problemêk cidî yo. Ewro mîyanê komelî de qesawetê cidî serê weşîye û asayîşê rêzdar Ocalanî esto. Wezîfeyê Wezaretê Edaletî ke nê qesewatan werte ra wedarno. Ganî astengîyê vernîya avûkatan ra bêrê wedaritiş û tewr lez pêvînayîş bêro kerdiş. Seba ke lazimîya şarê Tirkîya bi mesajê aştîye yê Abdullah Ocalanî esto.
 
Ma venga pêro hêzanê demokrasî û muxalefetî danê ke vera polîtîkayanê AKPyî pîya têkoşîn bikerê. Ma bi têkoşînê hemparî eşkenê peynîya tecrîdê Îmraliyî bîyarê. Tecrîd sûcê vera merdimatîye yo, ganî cade biqedo.”