Nobeta Edaletî: Do têkoşînê ma hemverê tecrîdî de dewam bikero

  • 15:37 25 Çele 2023
  • NAROJANE
 
ANQARA - Wekîlanê HDPyî Nobeta Edaletî ya vera tecrîdê Îmraliyî de vat: ''Ganî vera tecrîdê Îmraliyî her kes vengê xo berz bikero.''
 
 Wekîlê HDPyî vera tecrîdê serê Rayberê PKKyî Abdullah Ocalanî roja 25ine de Nobeta Edaletî rê dewam kenê. Wekîlan Mûrat Çepnî, Hasan Ozguneş, Mûazzez Orhan, Serpîl Kemalbay, Nusrettîn Maçîn, Îmam Taşçier, Kemal Pekoz, Şevîn Coşkun, Ridvan Turan, Alî Kenanogluyî verê Meclîsî de eşkerayîye daye.
 
Wekîlê HDPyî yê Îzmîrî Murat Çepnîyî venga Wezîrîya Edaletî da û vat: ''Ganî meqamê dewlete peynîya tecrîdî bîyarê. Şar rewşe ra qerqilîyeno. Ma venga şarê xo danê ke eke wazeno nê îqtîdarî ra bixeliso ganî polîtîkayanê ci rê vajo ney. Birêz Ocalan di serrî yo nêeşkeno avûkatanê xo û keyeyê xo bivîno. Têkoşînê vera tecrîdî yeno manaya wayîrvejîyayîşê nanê xo. Tecrîd vera demokrasî yo. Nobeta ma heta ke tecrîd biqedo do dewam bikera. Kesê ke nê sûcî kenê sere de Wezîrîya Edaletî qetî hesab bidê şarê ma. Ma hêvî kenê ke şarê ma vera tecrîdî do vengê xo berz bikero.