
Bi seyan leşker û polîsan raya xo bi komî eştê 

2024-03-31 11:22:04


	&nbsp;

	&nbsp;

	MERKEZÊ XEBERAN - Leşker û polîsê ke AKPyî neqlê xeylê bajaran kerdbî bi komî raya xo erzenê û serê sindoqan de ameyî wezîfedarkerdiş.

	&nbsp;

	Kar û barê raydayîşî yê weçînayîşê rayîrberîyê herêmî dest pê kerd. Bi dest pêkerdişê raydayîşî reyde leşker û polîsê ke AKPyî sey weçînitoxê xo xeylê bajaran de ca kerdbî, bi komî şinê serê sindoqan.&nbsp;

	&nbsp;

	Raydayîş ame vindarnayîş&nbsp;

	&nbsp;

	Leşker û polîsê qezayê Kerboran û Stewrê yê Mêrdînî ke ameyî neqlkerdiş, bi hawayêkê komî şîyê serê sindoqan. Dîmenê leşker û polîsê ke ardî Mektebê Amadeyî yê Kerboranî û Mektebê Mîyanên ê Kerboranî ameyî antiş.&nbsp;

	&nbsp;

	Qezaya Stewrê de zî leşker û polîs Mektebê Mîyanên ê Azîz Sancar û Mektebê Amadeyî yê Nur Cingilliogluyî de ameyî dîyîş. Leşker û polîs bi otobusan ardê mekteban û Partîya Têduştîye û Demokrasîyî yê Şaran (DEM Partî) zî îtîrazê na rewşe kerd. Wirdî mekteban de wexto ke polîs û leşker raye eştêne, wextê raydayîşê ame vindarnayîş.&nbsp;

	&nbsp;

	Amed/Pasûr&nbsp;

	&nbsp;

	

	&nbsp;

	Mektebê Mîyanên ê Ataturkî, Mektebê Mîyanên ê Seyrekî, Mektebê Mîyanên ê Hamzali Canaydin û Mektebê Mîyanên ê Uzunova yê qezaya Pasûrî ya Amedî de zî leşker û polîsê neqlkerde dest bi raydayîşî kerd. Polîs û leşkerê ke kincê e sivîl xora dabî, bi mînîbusan ardî mekteban. Hemwelatijê ke seba raydayîşî ameyî serê sindoqe, reaksîyon nîşanî rewşe da. Dima ra serê sindoqan de têmîyanî dest pêkerd.&nbsp;

	&nbsp;

	Colemêrg&nbsp;

	&nbsp;

	Bajarokê Xirvate û Bajêrge yê qezaya Geverî ya Colemêrgî de zî bi seyan polîs û leşker bi komî şîyê serê sindoqan. Xirvateyê de leşker bi wesayîtê zirxî ameyî û bajarokê Bajêrgeyê de zî kişta AKPyijan de ameyî mekteban.&nbsp;

	&nbsp;

	DEM Partî vatbî&nbsp;

	&nbsp;

	DEM Partî seba 32 cayan vera 54 hezar weçînitoxê bêusûlî de îtîraz kerdbî. Merkezê ke leşker û polîs ameybî neqlkerdiş zî sey Amed, Şirnex, Colemêrg, Êlih, Agirî, Mûş, Îdir, Qers, Riha, Sêrt, Mêrdîn û Dêrsim ameybî tespîtkerdiş.

	&nbsp;

	

	&nbsp;