
Pêvînayîşê Abdullah Ocalanî bi avûkat û keyeyî reyde ame qedexekerdiş 

2023-05-31 14:57:44


	&nbsp;

	&nbsp;

	STENBOL - Rayberê PKKyî Abdullah Ocalan ke 27 aşmî yo xebere ci ra nîna girewtiş û binê tecrîdî de yo reyna qedexeyê pêvînayîşî dîya. Keye û avûkatê ci nêeşkenê pê ey pêvînayîş bikerê.

	&nbsp;

	Rayberê PKKyî Abdullah Ocalan 1999 ra nata Zîndanê Îmraliyî de binê tecrîdî de tepişîyeno. Di serrî yo Ocalanî ra qet yew xebere nêna girewtene û cewab nêdîyeno muracatê seba pêvînayîşan. Nê atengkerdişî binê bahaneya 'cezaya dîsîplînî' de yenê kerdene la nê bahaneyî hewte û mengan ra dima vajîyenê avûkatan.

	&nbsp;

	Avûkatan 23yê kanûne de vera qedexeyê pêvînayîşî muracata Hakîmîya Înfazî ya Bursa kerdo la muracat bi bahaneya qedexeyî 3yê çeleyê 2023yî de ame redkerdene û cezaya dîsîplînî est a. Seba ke na bire bêra wedaritene 10ê çeleyî de Mehkemeya Cezaya Girane ya Bursa rê îtîraz kerd la mehkeme heman roje muracat red kerd.

	&nbsp;

	Avûkatan dimayê erdlerzê 6ê Sibate yê Mereşî ke tesîrêk pîl xeylêk bajaran ser de kerd, seba pêvînayîşî avûkat û keyeyî reyke bîn muracat kerd. &nbsp;Goreyê xebera Ajansê Mezopotamya (MA) muracat kerdo û nê muracatî ra dima ame parekerdene ke Rayberê PKKyî Abdullah Ocalanî û tepişteyanê bînan ê Îmraliyî Omer Hayrî Konar, Hamîlî Yildirim û Veysî Aktaşî rê 21ê kanûna 2021î de seba 3 mengan qedexeyê pêvînayîşî dîyayo û na bire 10ê çeleyê 2023yî de qetî bîyo.

	&nbsp;

	Avûkatan rixmê ney zî hewte de di reyî seba pêvînayîşê avûkatan û reyêke zî seba pêvînayîşê keyeyî muracat kerd. Pêwa ke qerarê qedexeyê verî hema nêqedîyabi zî dadgerî dîyar kerdibi ke 15ê adare de seba qedexeyê pêvînayîşê bi zîyaretwanan ê Zîndanê Tîpê Fyê bi Asayîşê Berzî yê Îmraliyî reyde qerarêk bîn dayê, qerar 30 adare de qetî bîyo û nê sebebî ra zî muracatê seba pêvînayîşî red kerdê.

	&nbsp;

	Dima eşkera bi ke 15ê adare de reyna qedexeyê pêvînayîşî ame dayene û 30ê adare de bire qetî bîya. Bira qedexeyî 14ê nîsane de ameye berdene bi Mehkemeya Cezaya Girane ya Bursa. La îtîraz 30ê nîsane de ame redkerdene.&nbsp;

	&nbsp;

	Qedexeyê pêvînayîşî bi avûkatan reyde

	&nbsp;

	Avûkatan 27ê nîsana 2023yî de reyna Hakîmîya Înfazî ya Bursa rê muracat kerd la cewab nêdîya muracatî. Herinda aye de Mehkemeya Cezaya Girane ya Bursa avûkatan rê bire teblîx kerde.

	&nbsp;

	Avûkatan seba pêvînayîşê bi avûkatan reyde 27ê nîsana 2023ine de muracatê Dadgerîya Înfazî ya Bursayî kerdî. Labelê dadgerî cewab nêda muracatî. Vera dadgerî, 1ine Dadgeha Cezaya Giran ya Bursayî teblîg avûkatan rê şirawit. Teblîg de ca da qerarê 3ine Dadgeha Cezaya Bursayî. Qerarê teblîgî de ame dîyarkerdiş ke seba Rayberê PKKyî Abdullah Ocalanî qerarêk newe yê qedexeyê pêvînayîşî yê seba 6 aşman ameyo dayîş.&nbsp;

	&nbsp;

	Avûkatan vera qedexeyî Mehkemeya Qanûnê Bingeyî (AYM) rê muracatê şexsî kerd.&nbsp;

	&nbsp;