Îran de merdişê bişikî ya sporkare 2023-05-29 15:34:54     MERKEZÊ XEBERAN - Îran de sporkara kayê Paralimpik Zehra Bernakî berzî ra kewte û bi hawayêk bişik dinyaya xo bedelnaye.   Îran de sporkare kayê Paralimpik Zehra Bernakî ya 33 serrî, bajarê Semnanî yê Îranî de awanîya 4 qatî ra kewte war. Zehra Bernaki ke bi giranî birindar bî û xeylêk cayê bedenê aye şikiyayî, wedarnayî nêweşxaneyê Kaethar. Zehra Bernakî 27ê Gulane de dinyaya xo bedelnaye.   Eşkerayîya ke mudirîya Asayîşê Semananî daye de ame zanayîş ke mabenê Zehra Bernaki û mêrdeyê aye de problem estbî û derheqê babete de dest bi cigêrayîşan kerdî. Zehra Bernaki û endama tîmê milî ya Îranî, atletîzmê herêm û nîmeyî yê Asya de serra 2018î de paytextê Endonezya Cakartayî de 6 xelatan girewta.