Şingal de amadekarîyê 4ê Nîsane 2023-03-30 16:12:03     MERKEZÊ XEBERAN - Şingal de bi serkêşîya TAJÊ seba rojbîyaşê Rayberê PKKyî Abdullah Ocalanî dar yene vilakerdiş. Darê ke ameyî dayîş do dew û qezayanê Şingalî de bêrê ronayîş.   Deşta Koyê Şingalî de Têgêrayîşê Azadîya Cinîyê Êzidî (TAJÊ) seba rojbîyayîşê Rayberê PKKyî Abdullah Ocalanî 2 hezar dar dew, qeza û bajarê Şingalî de vila kerd. Pêroyê meclîsê cinîyan yê dew, qeza û bajarê Şingalî seba girewtişê daran verê xo dayî Deşta Koyê Şingalî. Eynî wextî de seba pêroyê dewanê Ereban zî darî ameyî vilakerdiş.   ‘Ma roja rojbîyayîşê Rayber Apoyî pîroz kenî’   Endama Meclîsê Cinîyan ya qezaye Sînunî Hedîye Nasire ajansê NuJINHAye rê qisey kerd û dîyar kerd ke seba komelê êzidî û cinîyê êzidî Abdullah Ocalan sebebê cuya azad o û wina dewam kerd: “Ewro ma ameyî tîya ke daran bidî dewe û qezayanê xo. Ma bi umudo ke Rayber Apo bireso azadîya fîzîkî nê çîyî kenî.   Ma roja 4ê Nîsane ya rayberê xo pîroz kenî û ma do nê daran bironî. Rayberê ma vatêne; “Eke şima biwazî rojbîyayîşê mi pîroz bikerî daran bironê.” Coka ra zî ma her serre bi seyan bi hezaran daran ronenî. Ma wazenê ke her kes seba Rayber Apoyî daran bironê. Çimkî her darêk cuyêk a û umud a. Ma nika ra roja rojbîyayîşê Rayber Apoyî, ci û pêroyê gerîlayanê azadîye, Şarê Kurd û komelê êzidîye rê pîroz kenî.”