Nobeta Edaletî roja 734ine de dewam kena 

2023-03-26 13:49:19


	 

	 

	RIHA - Keyeyê Şenyaşarî ke nobeta xo ya edaletî dewam kena derheqê nobeta xo de nê mesajî pare kerd: “Ma do pîya kesê Rihayî edalet fedayê parlamenterêk kerdî xelas bibê. Ma bêzar nêbenê!” 

	 

	Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsî ya Rihayî de hêrişê keyeyê Şenyaşarî kerdibî. Netîceyê hêrişî de mêrde û di lajê Emîne Şenyaşare ameyî qetilkerdiş. Fadil Şenyaşar zî 5 serrî yo tepişte yo. Nê ser de Emîne Şenyaşar û lajê xo Ferît Şenyaşar 9ê Adara 2021î de vernîya Edliyeyê Rihayî de dest bi çalakîya Nobeta Edaletî kerdî. Çalakîya keyeyê Şenyaşarî roja 734ine de dewam keno. Seba ke peynîya hewteyî de edliye padaye ya, keyeyî nobete banê xo yê Pirsûsî de dewam kerd.

	 

	Keyeyî derheqê babete de serê hesabê xo yê medyaya dîjîtale de nê mesajî pare kerd: “Ma do pîya  kesê ke Riha de edalet fedayê parlamenterêk kerdî, kesê ke ewnîyenê nêvînenê û kesê heqaret welatîjî waştişê xo ardî ziwan kenê, xelas bibê. Ma bêzar nêbenê! Ma do pîya serbikewê. Zaf kêm mendo.”