
Keyeyê Şenyaşarî do verê edlîye de fitarîya xo bikerê  

2023-03-23 15:11:22


	&nbsp;

	&nbsp;

	RIHA - Keyeyê Şenyaşarî roja yewin ê aşma Remazanî de ame verê edlîyeyî û çalakîya xo dewam kerd. Keyeyê Şenyaşarî ewro nê mesajî pare kerd: "Bi hêvîya ke aşma Remazanî edalet û hizûr bîyaro welatê ma."

	&nbsp;

	Merdim û pawitoxê Parlamenterê AKPyî yê Rihayî Îbrahîm Halîl Yildiz 14ê hezîrana 2018ine de qezaya Pirsûsî ya Rihayî de hêrişê keyeyê Şenyaşarî kerdibî. Netîceyê hêrişî de mêrde û di lajê Emîne Şenyaşare ameyî qetilkerdiş. Nê ser de Emîne Şenyaşar û lajê xo Ferît Şenyaşar 9ê Adara 2021ine de vernîya Edlîyeyê Rihayî de dest bi çalakîya Nobeta Edaletî kerd. Çalakîya keyeyê Şenyaşarî roja 731ine de dewam keno.

	&nbsp;

	Keyeyê Şenyaşarî ke roja yewin ê aşma Remazanî yê emser zî verê edlîyeyê pêşwazî kerd, keyeyê xo yê Pirsûsî ameyî verê Edlîyeyê Rihayî û verê pankartê ke serê, “Seba keyeyê Şenyaşarî edalet” nuseno çalakîya xo ya ewro dayî destpêkerdiş.&nbsp;

	&nbsp;

	Keyeyê Şenyaşarî derheqê nobet xo ya ewro de serê hesabê xo yê medyaya dîjîtale de nê pare kerd: "Ewro roja yewin ê aşma Remazanî ya. Nobeda ma ya edaletî roja 731ine de serê rayîrê heq û edaletî, têkoşînê ma bi bawerî dewam keno. Bi hêvîya ke aşma remazanî edalet û hîzûr bîyaro welatê ma.”

	&nbsp;

	Keyeyê Şenyaşarî do roja ewilî yê aşma remezanî de verê edlîyeyî fitarîya xo bikerê.

	&nbsp;