Kariane Westrheim: Keseka çareserî Ocalan o 2023-03-23 11:33:20     Melek Avci   ANQARA - Sereka Komîsyonê Komelkî ya Tirkîya ya YEye Prof Karîane Westrheîma ke tewrê Konferansê Kurd yê Mîyanneteweyîye yê YEye bî, bale ant serê rolê Rayberê PKKyî Abdullah Ocalanî yê hetê çareserîya problemê Tirkîya û vat: “Tecrîdê serê Ocalanî girêdayeyê xeylê tedaya serê Kurdan o. yewine çareserî wedaritişê tecrîdî yo. Keseka çareserî Ocalan o.”    Paytextê Brukselî yê Belçîkaye de Parlamentoya Ewropa (AP) 17. Konferansê Kurd yê Mîyanneteyewî 8-9ê Adare de pê ard. Hetê Komîsyonê Hemwelatijanê Tirkîya yê Yewîya Ewropa (EUTCC) ra bi hemkarîya Koma Çep, Greens-European Free Alliance (GREENS/EFA), Koma Tîfaqê Azade ya Demokrat û Sosyalîstan û Enstîtuya Kurdî ya Brukselî konferans pê ame. Netîcetê konferansî de vengê muhîmî ameyî kerdiş.    Sereka Komîsyonê Komelkî ya Tirkîya ya YEye Prof Karîane Westrheîme derheqê konferansî de ajansê ma rê qisey kerd.   ‘Yew babeta muhîmî rewşa Îmrali û tecrîd bî’   Karîane derheqê pêameyîşê konferansî de qisey kerd û dîyar kerd ke bi hemkarîya xeylê dezgehan konferans pê ame û vat: “EUTCC, AP'de Andreas Schieder (S&D), Francois Alfonsi (keskan/EFA) bi Koma Dostanîya Kurdan ya Nîcolaj Vîllumsenî ra awan bena reyde hemkarîyêk nizdî ya. endamê na kone derheqê rewşa Tirkîya û Sûrîye de çi fikirîyenê muhîm bî. Babetêka balkêş û muhîm kurdî sîyasetmedar û dezgehê YEye ra umudin bî. Yew babeta muhîm ke ameye munaqaşakerdiş zî rewşa Îmraliyî û tecrîdê serê Abdullah Ocalanî bî. Şîdetê fîzîkî, psîkolojîk û tacîzê sîyasetî yê ewro ke kurdan ser de yenê kerdiş û sewbîna xeylê babetê bînî yê girêdayeyê tecrîdî estbî.”   Mesajê hemparî   Karîane bale ant mesajê ke konferans de ameyî dayîş ser û da zanayîş ke zafaneyê fikrê kesê ke tewrê konferansî bîyî baş bî û tay roniştişan de zî tay kesî waştî ke babete hîna hîra bêra munaqaşakerdiş û wina dewam kerd: “No bi taybetî panelê peynî yo ke cinî û cuya azad, têgêrayîşê cinîya kurd û têgêrayîşê kurd ke ameyî munaqaşakerdiş de vejîya raşte. Ez tewrê ci bena. Seba ke cinîyê kurdî şorişî cuyenî û zanistê cinî Jîneolojî averşîyayîşê xo domneno. Rewşa Vakur û Rojhrlatê Sûrîye û bi taybetî şorişê cinî, rolê cinîyan yê sîyasetî de û fikrê cinî hetê Îlham Ehmede ra ameye analîzkerdiş. Îlhame da zanayîş ke ganî cayê cinî polîtîkaya teberi de zî biba.”   Karîana sewbîna babetê ke ameyî munakaşakerdiş wina ercnaye: “Her serre babetê cîya bibî zî babetê ke her serre girîyenê dest zî esto. EUTCC qewimîyayîşê ke bajarê Kurdan de yenê cuyayîş zî nizdî ra taqîp keno. Konferans her serre wextê 8ê Adare de pê yeno. Beşdarwan û moderatorî zafane cinî bî. Ma Dr Şîrîn Ebadîye ra vîdoyêk girewt. Cinîyanê dinyaye silam kerd. Qala têkoşînê cinîyanê Îranî kerd. Qala Masha Amînîye kerd. La sey ma bi taybetî qala cinîya kurde kerd. Balkêşo ke raşteyê mîyanneteweyîye de qet nîno vatiş ke kokê siloganê ‘jin jiyan azadî’ bi raştî kurdo.”   Polîtîkaya tecrîdî giran bena   Karîana qiseykerdişê xo wina domna: “Yew avûkatanê Ocalanî ra Mahmut Şakar derheqê tecrîdî de agahî da. Dimayê konferansî qeraro ame dayîş de zî ame waştiş ke berê Îmraliyî bêrê akerdiş no xeylêk tarîxî û ferzêk o zaf erey mendo yo. Konferans de ame waştiş ke CPT, Yewîya Ewropa, Konseyê Ewropa babeta hemverê huqûqê Îmraliyî de bikewê tevger.”   Babeta şuxulnayîşê çekê kîmyewî    Karîana bale ant serê na babete zî û dîyar kerd ke babeta hetê biyologê Alman û endamê Heyetê Şêwirmendîyê Zanistî yê Doktorê Mîyanneteweyî yê seba Vernîgirewtişê Şerê Nukleerî (IPPNW) Jan Van Aken ra ameyo ercnayîş û qalê raporê nuşteyîya hempar ê tarîxî nêzdî kerdo û venga cipersayîşêk mîyanneteweyî yê xoser û lezgîn kerdo.    ‘Çareserîya problemê kurdî de averşîyayîş çinî yo’    Karîana wina peynîya qiseykerdişê xo ard: “Babeta  çareserkerdişê problemê kurdî de tu averşîyayîşê Tirkîya çinî yo. Mabêne serranê 2013-2015ine de pêvînayîşê aştîye ameyî kerdiş û kêm bo zî umudêk estbî. Dima ra peynî bî. Nika ewro tu nîşaneyêk derheqê çareserî de çinî yo. Eksê ci Erdogan şerêk ke tarîx de nêameyo vînayîş rayberî keno. Yewin çareserî azadîya Abdullah Ocalanî ya û şikinayîşê tecrîdî yo. Yew rolêk qij yê Ocalanî eşkeno tabloyê sîyasî yê Tirkîya bivurno. Keseka çareserî Ocalan o.”