
Taxa Şêxmeqsûd de awanîyêk rijya  

2023-01-22 14:57:29


	&nbsp;

	MERKEZÊ XEBERAN - Taxa Şêxmeqsûdî yê Helebî de awanîyêk 5 qate rijya. Netîce de 7 kesan dinyaya xo bedelnaye û cigêrayîşê serê xerabeyê awanî dewam kenê.

	&nbsp;

	Taxa Şêxmeqsûdê Helebî ke xeylê xo roniştoxê ci kurd ê, awanîyêka 5 qate rijya. Goreyê xebera ANHAyî; awanî şewa bîn rijya û heta nika tewr tay 10 kesî binê xirabe ra ameyî vetiş. Kesê ke xerabe ra ameyî xelisnayîş 7 ê dinyaya xo bedelnayî û 3 kesî zî birîndar ê.

	&nbsp;

	Ame zanayîş welatijê ke wedarnayî Nêweşxaneyê Şehîd Xalid Fecir rewşa 2ê ci ra giran a.

	&nbsp;

	Heto bîn ra 7 keyeyî awanîya rijnaye de ciwîyayîne û hema hîn kesî binê xerabe de yê. Xebatê cigêrayîşî dewam kenê.

	&nbsp;

	&nbsp;

	&nbsp;