ENQERE - Serokê Meclisê Mûstafa Şentop, pêşniyazpirsa têkildarî girtina parlamenter Semra Guzel a bi îşkence û mûameleya xerab hatiye dayîn îade kir. 

 

Parlamenterê Partiya Demokratîk a Gelan (HDP) ê Kocaeliyê Omer Farûk Gergerlîoglû, têkildarî girtina parlamentera Amedê Semra Guzel a bi îşkence û mûameleya xerab, ji bo ku Serokê Meclisê Mûstafa Şentop bibersivîne pêşniyazpirsek dabû lê hate îadekirin. 

 

Omer Farûk diyar kiribû ku îşkence û mûameleya xerab li Semra hatiye kirin û ev pirs kiribû: “Ji bilî parlamenterên AK Partî, MHP’ê û BBP’ê li dijî parlamenterekî din hûn di serokatiya xwe de xwe berpirsyar dibînin.”

 

Têkildarî pêşniyazpirsa ku hatiye îadekirin de wiha hate gotin: “Pêşniyazpirsa we ya qeydkirî hat lêkolînkirin û hat nirxandin û li gorî xalên 96 û 97’emîn ên rêznameya navxweyî ya Meclisê hatiye nirxandin ku li dijî van hukman e.”

 

‘Hemû pirsên me bi armanca nêrîn û îstîşareyê hatine redkirin’

 

Omer Farûk ê biryar nirxand wiha got: “Hemû pirsên me bi armanca nêrîn û îstîşareyê hatine redkirin. Me bi awayekî zelal rastî pirsîbûn. Diyar e ku pirsên ku divê bibersivîne ew aciz kiriye. Pirsên me îade kiriye. Me pirsa ‘Têkildarî mûamaleya nebaş a li Semra Guzelê hatiye kirin daxuyaniyê bidin? kiribû. Bê bersiv hişt. Ev ne axaftineke. Ez ê bi wî re axaftina çi bikim? An ku serokê ku mafên parlementeran û mafên Meclisê paşguh bike ez ê çi pê re biaxivim?”