NAVENDA NÛÇEYAN - Tecrîda giran a li ser Rêberê PKK'ê Abdullah Ocalan dewam dike. Li navçeya Zirganê kampanyaya komkirina îmzeyan a ji bo rakirina tecrîda li ser  Abdullah Ocalan dest pê kir. Li navçeya Dirbêsiyê jî kampanya dewam dike.

 

Li navçeya Zirganê ya kantona Hesekê kampanyaya komkirina îmzeyan a ji bo rakirina tecrîda li ser Rêberê PKK'ê Abdullah Ocalan û eşkerekirina rewşa wî ya tenduristiyê dest pê kir. Li navçeya Dirbêsiyê ya heman kantonê jî kampanyaya ku ji 25'ê vê Çileyê dest pê kiriye, dewam dike.

 

Kampanyaya komkirina îmzeyan bi hevkariya komîn û meclisên her du navçeyan bi rê ve diçe.

 

Însiyatîfa Gel a Bakur û Rojhilatê Sûriyeyê bi koordîneya Însiyatîfa Sûriyeyê ya Ji Rêberê PKK'ê Abdullah Ocalan re Azadî 22'yê Çileyê kampanyaya komkirina îmzeyan ji bo rakirina tecrîda li ser Abdullah Ocalan û pêkanîna azadiya wî ya fîzîkî ragihandibû.

 

Tê payîn ku kampanya heta 15'ê Sibatê (Salvegera 24'an a Komploya Navneteweyî) dewam bike.

 

Kampanyaya komkirina îmzeyan li Qamişlo, Tirbespiyê, Çilaxa, Til Birak û Til Temirê dewam dike. Tê payîn ku îro li herêmên din ên Bakur û Rojhilatê Sûriyeyê dest pê bike.